قصيدة العلم العراقي

لا تحاول تخترق بيدك ضميري
وبضميري تشوفلك موطئ قدم
ولاتحاول بيدك تنكس ضميري
وتنتضر مني اصفك وابتسم
اني غيرة وشرف واخلاق بصفاتي
وكل صفاتي يشيلهه هذا العلم
نكست راية بلادي وهي راية امة من ارقى الأمم
وهي راية امة من ارقى الأمم
يا أخي خليك منصف
يا أخي خليك منصف
تترك الاعداء وتحاكم علم
على حجيك لازم نغير بلدنة
وللعراق احنة ندور غير اسم
وعلى حجيك من كتبنة لازم نغير الخريطة ولازم انبدل الرسم
وعلى حجيك يا أخونة
لازم انحرف الأية ولازم نغير القسم
شلون نترك هالسفينة ونبحر بأزغر بلم ؟
شلون يستعرض الجندي وما على راسة علم ؟
شلون يلعب منتخبنة وماكو بالملعب علم ؟
شلون نحجي على المبادئ وانتكس راس القيم ؟
شلون نحجي على المبادئ وانتكس راس القيم ؟
اني ست الاف عام سنين عمري
وجاي تلغيهه الي ابجرة قلم ؟
هذا بيه الله واكبر
والي يحمل هالأسم ما ينثلم
جان عاد لخاطر الألله واكبر
شلون تقبل ينتكس هذا الاسم
اتكوم تكعد انت مني
والكمر لوغاب شيفيد النجم
انة الكل وانت مني
واذا صرت انت مهم اني الاهم
مهما تسندني واسندك
القاعدة شتفيد لو طاح الهرم
لا ترجعنة اخي للطائفية
ولا نقسم الارض كل واحد سهم
ولا ترجعنة يخي للمذهبية
ولا نقسم السكف كل واحد علم
انت ما نكست قطعة من القماش
نكست تاريخنة الغالي الاشم
بس وحق راية محمد
يبقة بيرغنة يرف علو النجم
اعلام هاي الدول كلهه تروح فدوة اللون واحد من الوانك ياعلمنة الغالي يا أشرف علم